FINNONIA seu FINNIA vulgo FINLANDE

FINNONIA, seu FINNIA, vulgo FINLANDE

regnum olim fuit, nunc regni tantum Suecici pars, iuxta mare Balticum, et sinus Finnicum, et Bothnicum. In plutes provincias dividitur, et partes nempe in Finniam seu Finlandiam propriam, Caianiam, Tavasthiam Nylandiam, Careliam, et Savolaxiam. Finnia propria, quae et nobilior, et australior, dividitur in Septentrionalem, cuius caput biorneburgum, ad sinum Bothnicum, et in meridionalem, cuius primaria uti et totius regionis est Aboa, ad ostia fluvii Auroioki in sinum finnicum, et e regione Alandiae insulae. Fuêrunt Finni subiugati, ab Erico Suecorum Rege, circa A. C. 1384. Crantz. l. 6. c. 28. Regio truculenter raptata est a Moscis, A. C. 1571. inde Tartarorum in Moscoviam, duce Ktembsechio, irruptione revocatis, et caesis. Thuan. Hist. l. 50.